Walmik Karad : 'ती विदेशी संपत्ती कराडची नाहीच, सरकारमधील बड्या नेत्याची', जरांगेंचा रोख नेमका कुणावर?

Manoj Jarange on Walmik Karad : सिद्धार्थ गोदाम, प्रतिनिधी जालना : मस्साजोगचे सरपंच संतोष देशमुख आणि परभणीच्या सोमनाथ सूर्यवंशीचा कोठडीतील मृत्यू या दोन्ही घटनांचा निषेध करत न्याय मागण्यासाठी आज छत्रपती संभाजीनगरमध्ये जनआक्रोश मूक मोर्चा काढण्यात येणार आहे. या मोर्चाआधी मनोज जरांगे पाटलांनी मोठं विधान केलं आहे. सोमनाथ सूर्यवंशी यांनी न्याय मिळावा म्हणून निघालेल्या लॉंग मार्चला मराठा समाजाचे पूर्ण समर्थन असल्याचे जरांगेंनी म्हटले आहे. तसेच ती विदेशी संपत्ती वाल्मिक कराड नाहीच.सरकार मधील मोठ्या शक्तीचा यामागे हात असल्याचे जरांगेंनी म्हटले आहे. त्यामुळे जरांगेंनी नाव न घेता धनंजय मुंडेंवर निशाणा साधला आहे.