Manoj Jarange Patil : ...तर मराठ्यांचं आंदोलन परवडणार नाही, मनोज जरांगे पाटलांचा CM फडणवीसांना इशारा

Manoj Jarange patil on Devendra Fadnavis : सिद्धार्थ गोदाम, परभणी : मराठा आंदोलक मनोज जरांगे पाटलांनी विधानसभा निवडणुकीआधी देवेंद्र फडणवीस यांना प्रचंड टार्गेट केलं होतं. त्यानंतर आता देवेंद्र फडणवीस मुख्यमंत्री बनल्यानंतर देखील मनोज जरांगेंनी त्यांना टार्गेट करायला सुरूवात केली आहे. देवेंद्र फडणवीस यांनी मराठा आरक्षणावर बोलताना आम्ही मजा घेत नाही, असे विधान केले होते. या विधानालाच पकडून आता जरांगेंनी मजा घेत नाही मग आरक्षण देत का नाही,असा सवाल केला आहे. तसेच देवेंद्र फडणवीस यांनी मी आरक्षणाच्या आडवा येत नाही, अशी भूमिका मांडली होती. त्यामुळे आता तेच मुख्यमंत्री आहेत त्यांनी आता करून दाखवावे नाही तर आंदोलन परवडणार नाही असा इशारा जरांगे पाटलांनी मुख्यमंत्री फडणवीसांना दिला आहे.