छळामुळे तरुणीने संपवलं जीवन,नाशिकमध्ये सासरच्या दारातच चिता पेटवली; कुटुंबीयाचा आक्रोश

नाशिक :  पुण्यातील वैष्णवी हगवणे प्रकरणामुळे फक्त महाराष्ट्रात नाही तर संपूर्ण देशात खळबळ उडाली. लग्नात मागण्या पूर्ण झाल्या नाहीत, पुरेसा हुंडा मिळाला नाही, किंवा मनासारखे मानपान झाले नाहीत या कारणांवरून विवाहित स्त्रियांचा सासरी नव-याकडून, सासूकडून इतर मंडळींकडून छळ होतो. मारहाण होते, प्रसंगी जाळून खूनही केला जातो. पुरोगामी म्हणविणा-या महाराष्‍ट्रात आजही दररोज एक हुंडाबळी जातो. दरम्यान नाशिकमधून अशीच एक मन सुन्न करणारी घटना समोर आली आहे. चांदवड येथे सासरच्या जाचाला कंटाळू एक विवाहितेने जीवन संपवल्याची धक्कादायक घटना समोर आली आहे. संतप्त झालेल्या माहेरच्या मंडळींनी सासरच्या दारातच लेकीची चिता पेटवल्याची धक्कादायक घटना घडली आहे.