Raigad Fire News: पाताळगंगा एमआयडीसीमध्ये पुन्हा भीषण आग, परिसरात धुराचे ढग; जीवितहानी टळली

पाताळगंगा एमआयडीसी परिसरात आग लागण्याच्या घटना नवीन नाहीत. काही वर्षांपूर्वी याच औद्योगिक पट्ट्यात एका केमिकल कंपनीला भीषण आग लागली होती, ज्यात मोठे आर्थिक नुकसान झाले होते आणि अनेक तास अग्निशमन दलाला आग विझवण्यासाठी धडपड करावी लागली होती. या परिसरातील रासायनिक उद्योगांच्या घनतेमुळे अशा दुर्घटनांचे प्रमाण अधिक असून, सुरक्षिततेबाबत वारंवार प्रश्नचिन्ह निर्माण झाले आहेत.

स्थानिक प्रशासनाकडून मिळालेल्या माहितीनुसार, सुदैवाने आत्तापर्यंत कोणतीही जीवितहानी झाल्याची नोंद नाही. मात्र, आग मोठ्या प्रमाणात असल्याने आर्थिक नुकसान किती झाले याबाबत अद्याप स्पष्ट चित्र नाही.

आगीचे प्रमाण वाढण्याची शक्यता लक्षात घेता, अग्निशमन दलाने अतिरिक्त पथकांना अलर्टवर ठेवले आहे. पोलिसांनी नागरिकांना सुरक्षित अंतरावर राहण्याचे आणि एमआयडीसी परिसरात अनावश्यक गर्दी न करण्याचे आवाहन केले आहे. प्रशासन, अग्निशमन दल आणि आपत्कालीन यंत्रणा परिस्थिती नियंत्रणात आणण्यासाठी अखंडित प्रयत्न करत आहेत. ही बातमी पुढे अपडेट करण्यात येईल.