IND vs NZ T20 : न्यूझीलंड हारली पण विराट कोहलीच्या RCBची चांदी झाली, 2 करोडमध्ये हिरा मिळाला

नागपूरच्या विदर्भ क्रिकेट असोसिएशनच्या मैदानावर पार पडलेल्या सामन्यात टीम इंडियाने न्यूझीलंडचा 48 धावांनी धुव्वा उडवला आहे.

भारताने दिलेल्या 237 धावांच्या लक्ष्याचा पाठलाग करताना न्यूझीलंड फक्त 190 धावा करू शकली.त्यामुळे भारताने हा सामना 48 धावांनी जिंकला. या विजयासह भारताने पाच सामन्यांच्या टी20 मालिकेत 1-0 ने आघाडी घेतली आहे.

न्यूझीलंडने हा पहिला टी20 हारला आहे. पण या न्यूझीलंडच्या या पराभवानंतर आरसीबीची चांदी झाली आहे.

कारण आयपीएलच्या लिलावात आरसीबीने न्य़ूझीलंडच्या जॅकॉब डफीला 2 करोडला ताफ्यात घेतलं होतं. हा हिरा आता भारताविरूद्ध चमकला आहे.

जकॉब डफीने भारता विरूद्ध पहिल्या टी20 सामन्यात 4 ओव्हरमध्ये 27 धावा देऊन 2 विकेट घेतल्या होत्या.

विशेष म्हणजे टीम इंडियाचे सर्वच खेळाडू न्यूझीलंडच्या गोलंदाजांची धुलाई करत असताना जकॉब डफीने अवघ्या 27 धावा देऊन आपल्या गोलंदाजीची ताकद दाखवली आहे.

त्यामुळेच 2 करोडमध्ये जॅकॉब डफीच्या रूपाच आरसीबीला हिरा मिळाला आहे.