MPSC Success Story: कुठलाही क्लास न लावता पुण्याची गृहिणी बनली क्लास वन ऑफिसर; संसार सांभाळत घवघवीत यश!

लग्नानंतर घर, संसार आणि अभ्यास या तिन्ही गोष्टीचा समन्वय साधत मीनल पोटे यांनी यश संपादन केले आहे. याबद्दलची अधिक माहिती लोकल 18 शी बोलताना मीनल पोटे यांनी दिली. मूळच्या पुण्यातील असलेल्या मीनल पोटे यांचे अभियांत्रिकी आणि लॉ चे शिक्षण पूर्ण झालेले आहे.पुण्यातील सिंहगड कॉलेज मधून मीनल यांनी शिक्षण पूर्ण केले. लग्नानंतर देखील मीनल यांनी स्पर्धापरीक्षेचा अभ्यास कायम ठेवला. मीनल पोटे यांचे पती चेतन सोळंके हे पुण्यातील DRDO मध्ये सायंटिस्ट म्हणून कार्यरत आहेत.

मीनल यांनी सांगितले की,"लग्नानंतर देखील मी माझा स्पर्धा परीक्षेचा अभ्यास कायम ठेवला.पती चेतन यांनी आणि संपूर्ण कुटुंबाने दिलेल्या खंबीर पाठिंब्यामुळे मला नेहमीच प्रेरणा मिळत गेली. लग्नानंतर अनेक महिला स्वप्न थांबवतात, पण माझा विश्वास होता की योग्य नियोजन आणि दृढ इच्छाशक्ती असेल तर काहीही शक्य होऊ आहे.प्रत्येक स्त्रीला स्वतःसाठी आणि स्वतःच्या स्वप्नासाठी खंबीर राहणं गरजेचं आहे". मीनल पोटे यांनी विवाह नंतर घर, संसार आणि अभ्यास यांनी गोष्टींचा सुरेख समतोल सादर राज्यसेवा परीक्षेत उल्लेख नियोजन संपादन केले आहे.

कौटुंबिक जबाबदाऱ्यांबरोबरच अभ्यासासाठी वेळ मिळवणे, घरची कामे आणि अभ्यास अशा धावपळीच्या तीन क्रमातही त्यांनी आपला आत्मविश्वास कायम ठेवला. त्यांचा या यशामुळे समाजातील अनेक महिलांसाठी प्रेरणादायी उदाहरण निर्माण झाले आहे. मीनल पोटे यांचा यशाबद्दल समाजातील प्रत्येक क्षेत्रात त्यांच्या कामगिरीचे कौतुक होत आहे.