MNS Jagar Yatra : मुंबई - गोवा महामार्गासाठी मनसेची जागर यात्रा; अमित ठाकरेंचा सरकारला इशारा

मुंबई 27 ऑगस्ट : मुंबई - गोवा महामार्गचे रखडलेले काम सुरु व्हावे, कोकणातील रस्ते खड्डे मुक्त व्हावेत यासाठी महाराष्ट्र नवनिर्माण सेनेनं कोकण जागर यात्रा काढली आहे. यातून सरकारचा निषेध करण्यात येत आहे. गेल्या कित्येक वर्षांपासून रखडलेला मुंबई गोवा महामार्गाचा प्रश्न आता पुन्हा चर्चेत आला आहे. महाराष्ट्र नवनिर्माण सेना या मुद्द्यावर गेल्या काही दिवसांपासून सवाल उपस्थित करत होती. मनसे अध्यक्ष राज ठाकरे यांनी भाषणामध्ये अनेकदा हा मुद्दा उपस्थित केला आहे. मनसेच्या अनेक आंदोलनांनंतर आज अमित ठाकरे यांच्या नेतृत्त्वात मुंबई गोवा महामार्गावर जागर यात्रा काढण्यात आली.