Sangli News: वंचित आघाडीच्या जिल्हाध्यक्षाविरोधात बलात्काराचा गुन्हा, महिलेच्या तक्रारीने खळबळ

याबाबत समोर आलेल्या माहितीनुसार, शंकर माने याने कुपवाड येथे रहिवासी असलेल्या 39 वर्षीय एका महिलेस लग्नाचे आमिष दाखवून जबरदस्तीने शारीरिक संबंध ठेवले. 2007 सालापासून 23 ऑगस्ट 2025 दरम्यानच्या काळात संबंध होते. तसेच माने याच्यापासून एक अपत्य ही प्राप्त झाले असल्याचे महिलेने तक्रारीत म्हटले आहे. ही घटना 2007 सालापासून 23 ऑगस्ट 2025 दरम्यानच्या काळात वारंवार घडली आहे.

गेल्या आठवड्यात शंकर माने यांच्या कार्यालयात पीडित महिला आणि तिचा मुलगा कागदपत्राची मागणी करण्यासाठी गेल्या होत्या. त्यावेळी शंकर माने यांच्यासह आई शोभा मार्तंड माने,भाऊ सिद्धू मार्तंड माने,पत्नी सविता शंकर माने या तिघांनी मारहाण केल्याचेही पीडित महिलेने कवठेमहांकाळ पोलिसात दिलेल्या फिर्यादीत म्हटले आहे. याबाबत कवठेमहांकाळ पोलिसात गुन्हा दाखल झाला असून अधिक तपास पोलीस उपनिरीक्षक रवींद्र भापकर करीत आहेत.