MPSC Exam Schedule: २०२६ मध्ये कोणकोणत्या परीक्षा होणार? MPSC कडून वेळापत्रक जाहीर, विद्यार्थ्यांसाठी महत्त्वाची बातमी

महाराष्ट्र लोकसेवा आयोगामार्फत वर्षभर विविध परीक्षांचे आयोजन करण्यात येते. वर्ष २०२६ करिता आयोगाच्या http://mpsc.gov.in आणि http://mpsconline.gov.in या संकेतस्थळावर प्रस्तावित वेळापत्रक जाहीर करण्यात आल्याचे महाराष्ट्र लोकसेवा आयोगाचे अवर सचिव ओतारी यांनी सांगितले.

प्रस्तावित वेळापत्रकानुसार वर्ष 2026 मध्ये राज्य सेवा मुख्य परीक्षा 2025, महाराष्ट्र वनसेवा मुख्य परीक्षा-2025, महाराष्ट्र स्थापत्य अभियांत्रिकी सेवा मुख्य परीक्षा-2025, महाराष्ट्र कृषि सेवा मुख्य परीक्षा-2025, महाराष्ट्र गट- ब (अराजपत्रित) सेवा संयुक्त मुख्य परीक्षा-2025, महाराष्ट्र गट-क सेवा संयुक्त परीक्षा-2025, दिवाणी न्यायाधीश कनिष्ठ स्तर व न्याय दंडाधिकारी प्रथम वर्ग परीक्षा, महाराष्ट्र नागरी सेवा राजपत्रित परीक्षा-2026, महाराष्ट्र गट-ब (अराजपत्रित) सेवा संयुक्त परीक्षा-2026 व महाराष्ट्र गट-क सेवा संयुक्त परीक्षा-2026 या परीक्षा घेण्यात येणार आहेत.

महाराष्ट्र गट-ब (अराजपत्रित) सेवा संयुक्त पूर्व परीक्षा २०२५ (MPSC Group B Prelims 2025) ही २१ डिसेंबर २०२५ रोजी होणार होती, पण निवडणूक मतमोजणीमुळे ती पुढे ढकलण्याची शक्यता आहे. परंतु परीक्षार्थींना अजूनही याविषयी कोणताही संदेश देण्यात आलेला नाहीये. त्यामुळे ते संभ्रमात आहेत.