मुंबईत हालचालींना वेग, महापौर निवडीचा सस्पेन्स वाढला, रात्रीच्या बैठकीत उलथापालथ

महापौरपद खुल्या प्रवर्गासाठी (महिला) आरक्षित झाल्याने भाजपमधून अनेक मातब्बर नगरसेविकांची नावे चर्चेत आहेत. मात्र, दुसऱ्या बाजूला शिवसेनेने अद्याप आपले पत्ते उघड केलेले नाहीत. शिवसेनेचे हे 'मौन' आणि भाजपमधील इच्छुकांची मोठी संख्या यामुळे महायुतीत मोठा पेच निर्माण झाला आहे. शुक्रवारी सकाळी महापालिका आयुक्त भूषण गगराणी यांनी ३१ जानेवारी रोजी दुपारी १२ वाजता महापौरपदासाठी निवडणूक घेण्याचे आदेश संबंधित विभागाला दिले होते. मात्र, रात्री उशिरा वरिष्ठ पातळीवर झालेल्या राजकीय खलबतांनंतर ही निवडणूक नियोजित तारखेला न घेण्याचा निर्णय घेण्यात आल्याची माहिती आहे.