BMC: मुंबई महानगरपालिकेत 5 बड्या अधिकाऱ्यांच्या बदल्यांचा निर्णय, आदेश जारी

या आदेशानुसार, गणानन विनायक वेलांडे यांची सहाय्यक आयुक्त (एन विभाग) येथून सहाय्यक आयुक्त (ए विभाग) येथे बदली करण्यात आली असून त्यांच्याकडे कार्यनिर्देशक व संचालक पदाचा अतिरिक्त कार्यभार कायम ठेवण्यात आला आहे. तसेच रोहित कनककुमार त्रिवेदी यांना सहाय्यक आयुक्त (ई विभाग) ऐवजी आर/उत्तर विभागाचा अतिरिक्त कार्यभार देण्यात आला आहे.

आनंद भारकरराव केंकळ यांना सहाय्यक आयुक्त (ई विभाग) पदाचा पूर्णकालिक कार्यभार सोपवण्यात आला आहे. तर नयनिश येमुलकर आणि जयदीप मोरे यांना त्यांच्या अतिरिक्त जबाबदाऱ्यांमधून मुक्त करून नगर अभियंता विभागाकडे प्रत्यावर्तित करण्यात आले आहे.

महानगरपालिकेच्या आदेशानुसार हे सर्व बदल २७ मार्च २०२६ पासून किंवा संबंधित अधिकाऱ्यांनी नवीन पदाचा कार्यभार स्वीकारल्यानंतर लागू होणार आहेत. बदल्यांच्या निर्णयानंतर प्रशासनातील कामकाज अधिक प्रभावी होण्याची अपेक्षा आहे.