Trending:

VIDEO : कुत्र्याने लावला लेटमार्क! CSMT स्टेशनवर 23 मिनिटं गोंधळाचं वातावरण, वाशीला जाणारी 9:06 ची लोकल निघाली अन्...

Published by:Saurabh Talekar

Last Updated:March 19, 2025 8:46 AM IST

Dog On Mumbai Local Train : छत्रपती शिवाजी महाराज टर्मिनसवरून वाशीला जाणारी 9:06 वाजताची लोकल ट्रेन 23 मिनिटांसाठी थांबवण्यात आली. ट्रेनच्या छतावर एक भटका कुत्रा धावताना दिसला. त्याचा व्हिडीओ सध्या सोशल मीडियावर व्हायरल होतोय.

इम्पॅक्ट शॉटतुमचा गेटवे लेटेस्ट न्यूज

CSMT Vashi local train : मुंबईकरांचं आयुष्य म्हणजे नुसती धावपळ, एका मिनिटासाठी मुंबईतील चाकरमान्यांना संकाटाचा सामना करावा लागतो. लोकल लेट झाली किंवा आलीच नाही तर लोकांचं अख्खं दिवसाचं गणित बिघडतं. अशातच मुंबईतील सीएसएमटी स्टेशनवर एका श्वानाने गोंधळ (Dog On Mumbai Local Train) घातल्याचं समोर आलं आहे.

मंगळवारी रात्री छत्रपती शिवाजी महाराज टर्मिनस येथे वाशीला जाणारी 9:06 वाजताची लोकल ट्रेन 23 मिनिटांसाठी थांबवण्यात आली. रेल्वेच्या छतावर एक भटका श्वान धावताना दिसला. त्याचा एक व्हिडीओ सोशल मीडियावर शेअर होताना दिसतोय.

जेव्हा ट्रेन 9:05 वाजता प्लॅटफॉर्म क्रमांक दोनवरून निघण्याच्या तयारीत होती, तेव्हा काही लोकांना शेवटच्या क्षणी श्वान ट्रेनच्या वर दिसला. सरकारी रेल्वे पोलिस (जीआरपी) कर्मचाऱ्यांनी त्याला हाकलून लावण्याचा प्रयत्न केला. परंतु गोंधळलेला आणि घाबरलेला प्राणी ट्रेनच्या दुसऱ्या टोकाकडे पळून गेला.

मुंबई लोकल ट्रेनच्या छतावर एका भटक्या कुत्र्याला वीजेचा धक्का बसला, सीएसएमटी येथे २३ मिनिटे उशिर झाला pic.twitter.com/3tbXROrkeh

— News18Lokmat (@News18lokmat) March 19, 2025

दरम्यान, श्वान पळून जाण्याच्या प्रयत्नात असताना तो अनवधानाने वरच्या विजेच्या तारांच्या संपर्कात आला आणि त्याला विजेचा धक्का बसला. सूत्रांकडून असं दिसून आलं की, श्वान सीएसएमटीच्या वाशी टोकावरील फूट ओव्हरब्रिजवरून ट्रेनमध्ये चढला असावा. ही घटना नेमकी कशी घडली? हे निश्चित करण्यासाठी सीसीटीव्ही फुटेजची तपासणी केली जात आहे.

view comments

Location :

Mumbai,Maharashtra

First Published :

March 19, 2025 8:46 AM IST

VIDEO : कुत्र्याने लावला लेटमार्क! CSMT स्टेशनवर 23 मिनिटं गोंधळाचं वातावरण, वाशीला जाणारी 9:06 ची लोकल निघाली अन्...