Vande Bharat Express: मुंबई-नांदेड प्रवास सुस्साट! 610 किमी अंतर होणार 9 तासांत पार

नांदेड : नांदेड ते मुंबई दरम्यान प्रवास करणाऱ्या प्रवाशांसाठी आनंदाची बातमी आहे. भारतीय रेल्वेने मुंबई-जालना वंदे भारत एक्सप्रेसचा नांदेडपर्यंत विस्तार करण्याचा निर्णय घेतला आहे. मंगळवारी (26 ऑगस्ट) राज्याचे मुख्यमंत्री देवेंद्र फडणवीस दूरदृश्य प्रणालीच्या माध्यमातून या गाडीला हिरवा झेंडा दाखवतील. नांदेड रेल्वे स्टेशनमध्ये या गाड्याच्या विस्ताराची तयारी सुरू आहे. रेल्वेमंत्री अश्विनी वैष्णव यांनी दोन महिन्यांपूर्वी याबाबत घोषणा केली होती. ही ट्रेन आता नांदेडहून मुंबईपर्यंत अवघ्या 9 तास 25 मिनिटांत पोहोचणार आहे. त्यामुळे 610 किलोमीटर अंतराच्या प्रवास वेळेत लक्षणीय बचत होणार आहे.