Chhatrapati Sambhaji Nagar: कीर्तनकार महिलेच्या हत्येचा अखेर उलगडा, 2 जणांना अटक, धक्कादायक कारण समोर

महिला कीर्तनकार ह. भ. प. संगीताताई महाराज यांच्या झालेल्या हत्येचा उलगडा झाला आहे. परिसरातच काम करणाऱ्या संतोष चव्हाण आणि अनिल बिलाला या दोन शेतमजुरांनी त्यांचा खून केला होता. हे दोन्ही शेतमजूर मध्यप्रदेशचे रहिवासी आहे. महिला कीर्तनकार संगिता पवार ज्या घरात राहत होत्या तिथं मंदिराच्या दानपेटीत खूप जास्त सोनं असल्याची दोघांना माहिती मिळाली.  त्यामुळे दोघांनी चोरी करण्याचा प्लॅन केला. २७ जूनच्या मध्यरात्री मंदिरात पोहोचले आणि लॉक तोडत असताना आवाज झाला. या आवाजाने महिला कीर्तनकार पवार उठल्या. त्यांनी मंदिर परिसरात पाहणी केली असता दोघे जण दिसले. आपल्या चोरीची वाच्यता कुठे होऊ नये म्हणून चोरांनी पवार यांच्यावर हल्ला केला. या दोघांनी त्यांच्या डोक्यात दगड घालून त्यांचा खून केला. याबद्दल खुनाची कबुली पोलिसांनी सांगितलं.

एक आरोपी महालगाव परिसरात पकडला तर दुसरा आरोपी मध्य प्रदेश सीमेवरून अटक केला. चोरी करून सोने घेऊन पळून जाण्याचा या आरोपींचा प्लान होता. त्यांच्या ताब्यातून काही मुद्देमाल सुद्धा हस्तगत करण्यात आल्याचा पोलिसांनी सांगितलं. या प्रकरणाचा अधिक तपास पोलीस करत आहे.