गोर गरिबांसाठी 1 रुपयात शिक्षण, नागपुरातील तरुणाने सुरु केलं कॉन्व्हेंट

नागपूर: डोनेशनच्या जमान्यात '1 रुपयात कॉन्व्हेंट' हे नाव ऐकून तुम्हाला आश्चर्य वाटेल, पण हे खरे आहे. नागपूर शहरातील असलेल्या रामटेकेनगर टोळी येथे 1 रुपयात कॉन्व्हेंट सुरू करण्यात आले असून, या कॉन्व्हेंटमध्ये गरीब कुटुंबातील मुलांना शिक्षण दिलं जातं आहे. या शाळेत भीक मागणाऱ्या आणि कचरा वेचायला जाणार्‍या महिलांच्या मुलांना शिक्षणाचे धडे दिले जातात. युवा समाजसेवक कुशाल डाक हे कॉन्व्हेंट चालवत आहेत. भीक मागणाऱ्या आणि कचरा वेचायला जाणार्‍या महिलांच्या कमकुवत आर्थिक परिस्थितीमुळे त्यांची मुले चांगल्या शाळेचा विचारही करू शकत नाहीत. मात्र मुलांना नि:स्वार्थपणे शिकवणाऱ्या खुशाल यांनी मुलांनी शिक्षण घेऊन चांगली नोकरी करावी यासाठी हे काॅन्व्हेंट सुरू केलं आहे.

मुलांना शिक्षण मिळाले तर त्यांना भीक मागायला लावता येणार नाही आणि त्यांच्या कमाईत बाधा येईल, असे त्यांना वाटते. त्यामुळे या मुलांच्या आई-वडिलांच्या उदासीन वृत्तीमुळे अनेक वेळा कॉन्व्हेंटची जागा बदली आहे, असेही कुशाल डाक यांनी सांगितले आहे.