नागपूर ते बेंगळुरू प्रवास 2 तासात, एअर इंडियाची एक्स्प्रेस सेवा, पहिलं उड्डाण कधी?

नागपूर: डॉ. बाबासाहेब आंबेडकर आंतरराष्ट्रीय विमानतळावरून बेंगळुरूसाठी आता प्रवाशांना आणखी एक लो-कॉस्ट पर्याय उपलब्ध होणार आहे. एअर इंडिया एक्स्प्रेस 1 डिसेंबरपासून नागपूर-बेंगळुरू दरम्यान सकाळी आणि संध्याकाळी अशी दोन वेळा उड्डाणे सुरू करत आहे. फक्त तीन दिवसांत या नव्या फ्लाइट्सना प्रवाशांचा जबरदस्त प्रतिसाद मिळाला आहे. सुमारे 60 टक्क्यांहून अधिक तिकिटांची बुकिंग पूर्ण झाल्याचे विमानतळ प्रशासनाकडून सांगण्यात आले.