Tiger Attack: महाराष्ट्रातील 'या' मार्गावरून जाताना सावधान! वाहन चालकांवर वाघिण करतेय हल्ला

नागपूर: कुठल्याही आईला सर्वात महत्वाचं असतं ते म्हणजे तिचं बाळ. आपलं बाळ डोळ्याने दिसत नाही. कुठे असेल? कसं असेल? त्याच्याबरोबर काही वाईट घडलं असेल का? ही काळजी प्रत्येक आईला असते. अशीच एक आई आपल्या बाळाच्या विरहात आक्रमक झाली आहे. ताडोबा-अंधारी व्याघ्र प्रकल्पातील ‘के-मार्क’ नावाने ओळखली जाणारी वाघीण आपल्या बछड्याच्या निधनानंतर अक्षरशः आक्रमक झाली आहे. मागील काही दिवसांपासून चंद्रपूर राष्ट्रीय महामार्गावरून धावणाऱ्या वाहनांवर ही वाघीण झडप घालत आहे. त्यामुळे केसलाघाट परिसरात भीतीचे सावट पसरले आहे.