चक्क सापानेच बदलला रंग, नागपुरात दिसला पांढरा तस्कर, संशोधकांनी सांगितलं कारण

नागपूर : गेल्या तीन वर्षांत नागपूर शहरात पाच अनोखे साप आढळले आहेत. ज्यांचा रंग त्यांच्या मूळ रंगापेक्षा वेगळा आहे. या सापांचे वैशिष्ट्य म्हणजे ते अल्बिनो आणि ल्युसिस्टिकने प्रभावित होतात. त्यामुळे त्यांच्या रंगात विशेष बदल होतो. या महत्त्वाच्या शोधाला आता आंतरराष्ट्रीय मान्यता मिळत आहे. नागपुरातील वन्यजीव कल्याण संस्थेने याबाबत एक संशोधन नोट तयार करून ती इंटरनॅशनल जर्नल ऑफ सायन्सेसकडे पाठवली होती. त्याला नुकतीच मान्यता मिळाली आहे. आता या जर्नलच्या माध्यमातून जगभरातील लोकांना या सापांविषयी माहिती मिळणार आहे.