१५ मार्चपर्यंत युद्ध थांबलं नाहीतर हापूस आंबा निर्यातीला बसणार फटका! किती नुकसान होणार? माहिती आली समोर

मुंबई : मध्यपूर्वेत सुरू असलेल्या युद्धजन्य परिस्थितीचा परिणाम आता भारताच्या कृषी निर्यातीवर होण्याची शक्यता व्यक्त केली जात आहे.इस्राइल आणि अमेरिका यांच्या समर्थनासह सुरू असलेल्या संघर्षात इराण सहभागी झाल्यामुळे आखाती प्रदेशात तणाव वाढला आहे. या परिस्थितीचा थेट परिणाम कोकणातील आंबा निर्यातीवर होऊ शकतो. १५ मार्चपूर्वी परिस्थिती सुरळीत झाली नाही, तर हापूस आंब्यासह इतर आंब्यांच्या निर्यातीला मोठा फटका बसण्याची भीती व्यक्त होत आहे. महाराष्ट्र राज्य आंबा उत्पादक संघाचे अध्यक्ष चंद्रकांत मोकाळ यांनी याबाबत चिंता व्यक्त केली आहे.