Nanded Honor Killing: संजीवनी आणि लखनला जनावराप्रमाणे दोरीला बांधून गावात फिरवलं, हत्येआधीचा VIDEO

मयत संजीवनी सुधाकर कमळे आणि लखन बालाजी भंडारे  हे दोघेही गेल्या काही वर्षांपासून एकमेकांवर प्रेम करत होते. गेल्या वर्षी संजीवनी हीचा विवाह गोळेगाव येथील एका तरुणासोबत करून देण्यात आला होता. तरीही लपून-छपून या दोघांच्या गाठीभेटी चालूच होत्या. त्यांच्या प्रेमप्रकरणाला मुलीच्या आई वडिलांचा प्रखर विरोध होता. गेल्या वर्षभरापूर्वी मुलीचा विवाह झाला असल्याने काही महिन्यांपूर्वीच मुलाची समजूत काढून मुलीला भेटण्यास मज्जाव करण्याचा प्रयत्न झाला. सोमवारी दुपारी मुलीचे सासर असलेल्या गोळेगाव येथे दोघांना एकत्र पकडण्यात आलं. सासरच्यांनी मुलीच्या वडिलांनाही तिथं बोलावून घेतलं. यावेळी दोघांना बेदम मारहाण करून संपविलं. दोघांचेही मृतदेह जवळच असलेल्या बोरजुनी शिवारातील एका विहिरीत नेऊन टाकलं होतं.