Maharashtra politics : मोठी बातमी! काँग्रेसचा आणखी एक बडा नेता भाजपच्या संपर्कात? विधानसभेपूर्वी घडामोडींना वेग

नांदेड, मुजीब शेख, प्रतिनिधी :  नांदेडमधून मोठी बातमी समोर येत आहे. विधानसभा निवडणुकीपूर्वी राजकीय वर्तुळात घडामोडींना वेग आला आहे. काँग्रेसचे आमदार जितेश अंतापूरकर यांनी भाजप नेते अशोक चव्हाण यांची भेट घेतली आहे. भाजप नेते संजय उपाध्याय यांची भेट घेतल्यानंतर आता त्यांनी गुरुपौर्णिमेचा मुहूर्त साधत भाजपचे खासदार अशोक चव्हाण यांची भेट घेतली आहे. त्यामुळे चर्चेला उधाण आलं आहे. राज्यसभा आणि विधानपरिषद निवडणुकीत क्रॉस वोटिंग केल्याचा जितेश अंतापूरकर यांच्यावर आरोप आहे. त्यातच त्यांनी आता अशोक चव्हाण यांची भेट घेतल्यामुळे ते भाजपमध्ये प्रवेश करणार असल्याची चर्चा जिल्ह्यात सुरू झाली आहे.