Maharashtra politics : सोनिया गांधींसमोर रडले की नाही? अशोक चव्हाण राहुल गांधींच्या दाव्यावर स्पष्टच बोलले

नांदेड, मुजीब शेख, प्रतिनिधी : काँग्रेस नेते राहुल गांधी यांच्या भारत जोडो न्याय यात्रेचा समारोप रविवारी मुंबईतील शिवाजी पार्क मैदानावर झाला. या कार्यक्रमात इंडिया आघाडीचे सर्वच प्रमुख नेते उपस्थित होते. या कार्यक्रमात बोलताना राहुल गांधी यांनी मोठं वक्तव्य केलं.  'महाराष्ट्रातील एक मोठे नेते काँग्रेस पक्ष सोडत होते. त्यावेळी माझ्या आईसमोर (सोनिया गांधी) रडून सांगत होते मला लाज वाटतेय, माझी या शक्तीविरोधात लोकांविरोधात लढण्याची ताकद नाही. मला तुरुंगात जायचं नाही' असं राहुल गांधी यांनी म्हटलं आहे. राहुल गांधी यांच्या वक्तव्यानंतर चर्चेला उधाण आलं आहे. काही दिवसांपूर्वीच अशोक चव्हाण यांनी काँग्रेसमधून भाजपमध्ये प्रवेश केला आहे.