दुहेरी हत्याकांडाने नांदेड हादरले! फावडे डोक्यात घालून महिलेसह तरुणाची हत्या, किनवटमध्ये तणाव

याबाबत मिळालेली माहिती अशी की, किनवट जवळच्या अंबाडी येथे मिस्त्रीकाम करण्यासाठीं शेख वसीम हा युवक गेला. उत्तम भरणे यांच्या घरी काम सुरू होतं. वसीम याने पिण्यासाठी उत्तम भरणे यांच्याकडे पाणी मागितले. त्यातून वाद होऊन भरणे याने फावड्याने वसिमच्या डोक्यात वार केला यात तो मरण पावला. तेव्हा शेजारील 50 वर्षीय महीला विशाखा मुनेशवर ही भांडण सोडण्यासाठी आली. आरोपी उत्तम भरने याने तिला देखील फावड्याने मारले. उपचारादरम्यान तिचा मृत्यु झाला असं पोलीस तक्रारीत म्हटल आहे.

दरम्यान, या घटनेनंतर गावात वेगवेगळ्या अफवा पसरल्या. जमावाने शेख वसीम याचा मृतदेह पोलीस ठाण्यात आणला होता. मोठा जमाव यावेळी  पोलीस स्टेशनच्या बाहेर जमला होता. जमावाने दगडफेकही केल्याने काही काळ तणावाचे वातावरण निर्माण झाले होते. किनवट शहरातील दुकाने बंद झाली होती. यावेळी दुसरा गट देखील समोर आला. दोन्ही गटात एकमेकाविरोधात घोषणाबाजी झाली.