Nanded News : '12 फेब्रुवारीला नांदेडला स्वातंत्र्य मिळाले' नाना पटोलेंची अशोक चव्हाणांवर खोचक टीका

नांदेड, (मुजीब शेख, प्रतिनिधी) : राज्याच्या विधानसभा निवडणुकीच्या पार्श्वभूमीवर राजकारण चांगलचं तापलं आहे. '12 फेब्रुवारीला नांदेडला स्वातंत्र्य मिळाले' अशी प्रतिक्रिया देत काँग्रेस प्रदेशाध्यक्ष नाना पटोले यांनी खासदार अशोक चव्हाण यांच्यावर निशाणा साधला. 12 फेब्रुवारी रोजी अशोक चव्हाण यांनी भाजपमध्ये प्रवेश केला होता. त्यावरून नाना पटोले यांनी टीका केली. मागच्या लोकसभा निवडणुकीत मराठवाड्यात काँग्रेसची एकही जागा नव्हती. पण आता तीनही जागा निवडून आल्या म्हणजे शंभर टक्के परफॉर्मन्स आहे, असे पटोले म्हणाले. जो लॅक्युना होता तो भाजपने नेला. त्यामुळे भाजपाचे धन्यवाद असेही पटोले म्हणाले.