बंडखोरी करणाऱ्या विशाल पाटलांबाबत काय निर्णय घेणार? नाना पटोलेंनी सांगितलं..

नांदेड, मुजीब शेख, प्रतिनिधी : सांगली लोकसभा मतदारसंघात महाविकास आघाडीला मोठा धक्का बसला आहे, काँग्रेस नेते विशाल पाटील यांनी बंडखोरी करत आपला उमेदवारी अर्ज कायम ठेवला आहे. त्यांना निवडणूक आयोगाकडून चिन्ह देखील जाहीर करण्यात आलं आहे. लिफाफा हे विशाल पाटील यांचं निवडणूक चिन्ह आहे. दरम्यान विशाल पाटील यांनी बंडखोरी केल्यानंतर आता काँग्रेसकडून त्यांच्यावर काय कारवाई करण्यात येणार हे पाहाणं महत्त्वाचं ठरणार आहे. यावर आता काँग्रेसचे प्रदेशाध्यक्ष नाना पटोले यांनी प्रतिक्रिया दिली आहे. ते नांदेडमध्ये बोलत होते.