Nanded News : नांदेडमध्ये मोठा शस्त्रसाठा जप्त; एकाला अटक

घटनेबाबत अधिक माहिती अशी की,  पंजाब राज्यातील दर्शनसिंग हा व्यक्ती अवैधरित्या तलवार आणि खंजर विक्री करीत असल्याची माहिती नांदेडच्या स्थानिक गुन्हे शाखेला मिळाली होती. त्यानुसार पथकाने घटनास्थळी पोहोचून दर्शनसिंग याला ताब्यात घेतलं. त्याची झाडाझडती घेतली असता त्याच्याकडे 21 तलवारी आणि 11 खंजर आढळून आले. पोलिसांनी हा शस्त्रसाठा जप्त केला असून, त्याला अटक केली आहे. अवैधरित्या शस्त्र बाळगल्याप्रकरणी त्याच्यावर गुन्हा दाखल करण्यात आला आहे.

दर्शनसिंंग याच्याकडून पोलिसांनी 21 तलवारी आणि 11 खंजर जप्त केले आहेत. पोलिसांना माहिती मिळाली होती. त्यानुसार पोलिसांनी शहरातील नगीनाघाट परिसरात ही कारवाई केली. आरोपीला अटक करण्यात आली असून, पुढील तपास सुरू असल्याची माहिती पोलिसांनी दिली.