नांदेडच्या विद्यार्थ्याची करामत; परीक्षेत उत्तरपत्रिकेलाच चिटकवल्या 500 च्या नोटा, कारण विचारताच धक्कादायक खुलासा!

घटनेबाबत अधिक माहिती अशी की, नांदेड येथील स्वामी रामानंद तीर्थ मराठवाडा विद्यापीठांतर्गत घेण्यात आलेल्या उन्हाळी परीक्षेत 1843 विद्यार्थी कॉपी करतांना आढळले होते. त्या सर्व विद्यार्थ्यांवर विद्यापीठानं कारवाई करत त्यांची संपादनुक रद्द केली. एका विद्यार्थ्यानं तर हद्दच केली आहे. त्याने उत्तर पत्रिकांवर पाचशेच्या नोटा चिटकवल्या आहेत. त्याच्यावर पुढील चार परीक्षेंसाठी बंदी घालण्यात आली आहे.

घटनेबाबत अधिक माहिती अशी की, नांदेड येथील बीसीए प्रथम वर्षात शिकणाऱ्या एका विद्यार्थ्यानं सर्व सात विषयांच्या उत्तर पत्रिकेवर पाचशेच्या नोटा चिटकवल्या. पास करण्याच्या उद्देशानं त्यानं हे कृत्य केल्याचं समोर आलं आहे. याबाबत संबंधित विद्यार्थ्याला बोलावून त्याची चौकशी करण्यात आली. त्याने आपला गुन्हा कबुल देखील केला आहे. या विद्यार्थ्यावर विद्यापीठाकडून कारवाई करण्यात आली असून, त्याची संपादनुक रद्द करण्यात आली आहे, त्याच्यावर पुढील चार परीक्षांसाठी बंदी घालण्यात आली आहे.