Ladki Bahin Yojana : 'सख्या बहिणीची काजळी घेतली नाही आणि...' सुषमा अंधारेंचा अजितदादांना टोला

नांदेड, (मुजीब शेख, प्रतिनिधी) : राज्य सरकारने आणलेली मुख्यमंत्री माझी लाडकी बहीण योजना चांगलीच चर्चेत आहे. या योजनेवरुन सत्ताधारी आणि विरोधक यांच्यामध्ये कलगीतुरा रंगताना पाहायला मिळत आहे. आता शिवसेना ठाकरे गटाच्या नेत्या सुषमा अंधारे यांनी यावरुन सरकारला टोला लगावला आहे. सरकारला लाडक्या बहिणीची इतकीच काळजी असेल तर दारू दुकाने बंद करा, असं आव्हान शिवसेनेच्या उपनेत्या सुषमा अंधारे यांनी दिले. नांदेड जिल्ह्यातील मुखेड येथे आयोजित एका कार्यक्रमात अंधारे बोलत होत्या.