Nashik News: नाशिककर महत्त्वाची बातमी, तिसऱ्या सोमवारी वाहतुकीत मोठे बदल, पर्यायी मार्ग

नाशिक: 12 ज्योतिर्लिंगांपैकी एक असलेलं 'त्र्यंबकेश्वर' ज्योतिर्लिंग हे महाराष्ट्रातील नाशिक जिल्ह्यामध्ये आहे. या ज्योतिर्लिंगामुळे नाशिकला मोठे धार्मिक महत्त्व मिळालं आहे. दरवर्षी कोट्यवधी भाविक याठिकाणी दर्शनासाठी येतात. सध्या श्रावण हा पवित्र महिना सुरू असून या महिन्यात नाशिकमध्ये येणाऱ्या शिव भक्तांची संख्या आणखी वाढते. येत्या 11 ऑगस्ट रोजी श्रावणातील तिसरा सोमवार असल्याने त्र्यंबकेश्वरला येणाऱ्या भाविकांच्या संख्येत लक्षणीय वाढ होण्याची शक्यता आहे. ही बाब लक्षात घेता प्रशासनाने सीबीएस परिसरातील वाहतूक मार्गात बदल केला आहे. पोलीस उपायुक्त खांडवी यांनी याबाबत अधिसूचना काढली आहे.