'...तर मी राजकारण सोडेन'; वेषांतराच्या आरोपांवर अजितदादा संतापले, राउतांना खुलं चॅलेंज

नाशिक, प्रतिनिधी : उपमुख्यमंत्री अजित पवार हे वेषांतर करून दिल्लीला गेल्याचा आरोप शिवसेना ठाकरे गटाचे नेते खासदार संजय राऊत यांनी केला होता. संजय राऊत यांच्या या आरोपांवर आता अजित पवार यांनी जोरदार पलटवार केला आहे. 'मी वेषांतर करुन कुठेही गेलो नाही, वेषांतर करुन गेलो हे साफ खोटं आहे, आरोप करणाऱ्यांना लाज वाटली पाहिजे, आरोप सिद्ध झाल्यास मी राजकारण सोडेन' असं अजित पवार यांनी म्हटलं आहे. ते नाशिकमध्ये बोलत होते.