Nashik : एक किचेन सापडलं अन् खरा गुन्हेगार फसला, नाशिकच्या 'त्या' प्रकरणात धक्कादायक खुलासा

स्थानिक ग्रामस्थांना जंगलात एका तरुणीचा मृतदेह आढळून आला. त्यांनी तातडीने पोलिसांना माहिती दिली. घटनास्थळी पोहोचलेल्या पोलिसांनी पाहिले असता तरुणीचा गळा चिरण्यात आला होता आणि धक्कादायक बाब म्हणजे तिच्या गळ्यात चाकू तसाच अडकलेला होता. तरुणी अर्धनग्न अवस्थेत आढळली. तिच्या जवळ अर्धवट खाल्लेला पिझ्झाही सापडल्याने संशय अधिकच गडद झाला.

अवघ्या काही तासांत पोलिसांनी या हत्येचा उलगडा केला. ही हत्या तरुणीच्या आधीच्या प्रियकरानेच केल्याचे उघड झाले. धक्कादायक म्हणजे त्याने आपल्या काही मित्रांच्या मदतीने हा कट रचला होता. मृत तरुणी बुलढाणा जिल्ह्यातील असल्याचे तपासात स्पष्ट झाले आहे. पोलिसांनी संबंधित आरोपींना ताब्यात घेत पुढील तपास सुरू केला आहे. या घटनेमुळे परिसरात भीतीचे वातावरण निर्माण झाले आहे.

दरम्यान तरुणीचे दुसऱ्या एका तरुणासोबत संबंध असल्याची माहिती आरोपीला मिळाली. यामुळे तो संतप्त झाला होता. प्रेयसी आपल्याकडे दुर्लक्ष करत असून तिचे दुसऱ्यावर प्रेम जडले आहे अशी भावना त्याच्या मनात घर करून बसली होती. या संशयातून आणि तीव्र रागातूनच त्याने टोकाचे पाऊल उचलल्याचे तपासात समोर आले आहे.

पोलिसांच्या प्राथमिक चौकशीत आरोपीने गुन्ह्याची कबुली दिल्याची माहिती सूत्रांकडून मिळाली आहे. या हत्येसाठी त्याने काही मित्रांची मदत घेतल्याचेही उघड झाले आहे.