बदलापूरच्या घटनेनंतर राज्यात भीतीचे वातावरण, महिला या वस्तू वापरुन करू शकतात स्वत:चे संरक्षण, महत्त्वाच्या टिप्स, VIDEO

नाशिक : बदलापूरच्या घटनेने अवघा महाराष्ट्र हादरला आहे. अनेकांच्या मनात भीती निर्माण झाली आहे. त्यामुळे आजच्या काळात प्रत्येक स्त्री-मुलीने आपल्या शारीरिक सुरक्षेसाठी स्वत:चे स्वसंरक्षण करणे आणि संकटात असताना स्वतःला वाचवणे आवश्यक आहे. हे एक कौशल्य आहे, जे बहुतेक स्त्रिया कधीच शिकत नाहीत किंवा शिकवले जात नाहीत. त्यामुळेच याचबाबत आपण आज अत्यंत महत्त्वाची माहिती जाणून घेऊयात.

सेल्फ डिफेन्स ही अशी गोष्ट आहे, जी प्रत्येक स्त्रीला तिचा आत्मविश्वास वाढवण्यास मदत करते. महिलांना कोणत्याही धोक्यापासून स्वतःचे संरक्षण करण्याची शक्ती आणि क्षमता देते. जेव्हा एखाद्या महिलेवर कोणत्याही प्रकारचा हल्ला होतो तेव्हा आपल्याकडे दोन पर्याय असतात. एकतर त्याच्याशी लढा किंवा त्याला शरण जा. या प्रकरणात, आपण त्या धोकादायक परिस्थितीतून बाहेर पडू शकता आणि स्वतःचे संरक्षण करू शकता, असा सेल्फ डिफेन्सचा अर्थ आहे.