सप्तश्रृंगी घाटातल्या मंकी पॉइंटवर कार उलटली, 6 जणांचा मृत्यू, नावे समोर; पटेल कुटुंबियांना धक्का

नाशिक : सप्तश्रृंगी गडावर कारचा भीषण अपघात झाला आहे. इनोव्हा कार सप्तश्रृंगी गडावरून दरीत कोसळली या अपघातामध्ये सहा जणांचा मृत्यू झाल्याची माहिती समोर येत आहे. सप्तश्रृंगी गडाच्या मंकी पॉइंटजवळ हा अपघात घडला आहे. हा अपघात एवढा भीषण होता की, कार तब्बल 800 फूट दरीत कोसळली आहे. सध्या दरीतून मृतदेह बाहेर काढण्याचे काम युद्धपातळीवर सुरू आहे. मृत सर्व व्यक्ती एकाच कुटुंबातील असल्याची माहिती समोर आहे.