Nashik : लेझर लाइट शोमुळे डोळे गमावण्याची वेळ, 6 तरुणांच्या डोळ्यांना दिसेना; डॉक्टर काय म्हणाले?

नाशिक, लक्ष्मण घाटोळ, 02 ऑक्टोबर : डीजेच्या आवाजामुळे गणेश विसर्जन मिरवणुकीवेळी तरुणांचे मृत्यू झाल्याच्या घटना ताज्या आहेत. दरम्यान, आता लेझर शोमुळे तरुणांवर डोळे गमावण्याची वेळ आल्याचे प्रकारही समोर येत आहेत. नाशिकमध्ये धक्कादायक अशी माहिती समोर आलीय. नेत्ररोग तज्ज्ञांनी या प्रकारावर चिंता व्यक्त करत याकडे गांभीर्याने लक्ष देण्याची गरज असल्याचं म्हटलंय. तरुणांच्या डोळ्यांच्या तपासण्या केल्यानंतर डोळ्याच्या अंतर्गत भागात गंभीर इजा झाली असल्याचं निष्पन्न झालं आहे. त्यामुळे तरुणांची पाहण्याची क्षमता अत्यंत कमी झाली आहे.