Nashik News: श्रीराम रथोत्सव- गरूड रथोत्सवामुळे नाशिकच्या वाहतुकीत बदल, कोणते असणार पर्यायी मार्ग

रविवारी 29 मार्च 2026 रोजी नाशिक शहरामध्ये, श्रीराम रथ आणि श्री गरूड रथची मिरवणूक निघणार आहे. शहरातील महत्त्वाच्या परिसरातून ही मिरवणूक मार्गस्थ होणार आहे. काळाराम मंदिर परिसर, नागचौक, लक्ष्मण झुला पूल, गणेशवाडी, महात्मा फुले चौक, आयुर्वेदिक हॉस्पिटल, मरीमाता रोड, रामकुंड, सराफ बाजारसह इतरत्र मार्गांवर वाहतुकीसाठी निर्बंध राहणार आहे. कारण, की या मार्गांवरूनच रथोत्सव निघणार आहे. श्रीराम रथ आणि श्री गरूड रथ हे दोघंही मिरवणूकीसाठी एकत्रच मार्गस्थ होणार आहेत.

गरूड रथ जुना आडगाव नाका, दिल्ली दरवाजा, नेहरू चौक, धुमाळ पॉईंट, मेनरोड, बोहोरपट्टी आणि सराफ बाजारमार्गे रामसेतू पुलाच्या पश्चिम बाजूने पुन्हा श्रीराम रथासोबत मुख्य मुरवणुकीत सामील होणार आहे. या मिरवणुकीला दुपारी 2 वाजेपासून सुरूवात होणार आहे. जोपर्यंत मिरवणुक सुरू राहणार आहे, तोपर्यंत रथोत्सवाचा मार्ग बंद राहणार आहे. मिरवणुकीसाठी भाविकांची गर्दी मोठ्या प्रमाणावर होण्याची शक्यता आहे. भाविकांची गर्दी लक्षात घेता, पर्यायी मार्गांचा वापर करण्याचे आवाहन करण्यात आले आहे. या संबंधितची माहिती वाहतूक पोलीस उपायुक्त किरिथीका सी.एम यांनी दिलेली आहे.