Nashik Traffic: रेणुकादेवी यात्रेनिमित्त भगूर मार्गावरील वाहतुकीत मोठे बदल, पर्यायी मार्ग कोणते?

नाशिक: शारदीय नवरात्रौत्सवात भगूर येथील ग्रामदेवता रेणुकामातेचा मोठा यात्रोत्सव असतो. या पार्श्वभूमीवर नाशिक शहर वाहतूक शाखेकडून वाहतूक मार्गात मोठे बदल करण्यात आले आहेत. रेस्ट कॅम्प रोडसह केंद्रीय विद्यालय ते जोशी हॉटेलपर्यंतचा रस्ता वाहतुकीसाठी 10 दिवस दुपारी एक ते रात्री बारा वाजेपर्यंत पूर्णपणे बंद राहणार आहे. याबाबतची अधिसूचना जाहीर करण्यात आलेली आहे. या कालावधीत वाहनचालकांनी पर्यायी मार्गाचा वापर करण्याचे आवाहन पोलिस विभागाने केले आहे.