कलेला वाव मिळत नसल्यामुळे सोडली नोकरी, नाशिकमध्ये सुरू केला अनोखा कॅफे, तुम्ही रेखाटू शकता आवडीचे चित्र Video
- Published by:Mohan Najan
- Reported by:Kunal Santosh Dandgaval
Last Updated:
नाशिकमधील एका तरुणाने आपल्या करिअरच्या शोधात अशीच एक अनोखी संकल्पना मांडली आहे. ज्यामध्ये आपण आपल्या खाण्याच्या आनंदासोबत आपल्या अंगी असलेल्या चित्रकलेच्या गुणांना लोकांसमोर प्रदर्शित करू शकतो.
नाशिक : आज काल आपण दररोज काही ना काही अनोख्या थीमसह अनेक रेस्टॉरंट्स उघडताना पाहतो. त्याचप्रमाणे नाशिकमधील एका तरुणाने आपल्या करिअरच्या शोधात अशीच एक अनोखी संकल्पना मांडली आहे. ज्यामध्ये आपण आपल्या खाण्याच्या आनंदासोबत आपल्या अंगी असलेल्या चित्रकलेच्या गुणांना लोकांसमोर प्रदर्शित करू शकतो. अशा संकल्पनेचा वापर करून त्याने एक कॉफी विथ कॅनव्हास या नावाने कॅफे सुरू केला आहे.
नाशिक येथील उसामा मणियार या तरुणाने 12 वी विज्ञान शाखेत शिक्षण पूर्ण केले आणि त्यानंतर संगणक अभियांत्रिकी डिप्लोमा करण्यास सुरुवात केली. लहानपणापासून चित्रकलेची आवड असल्याने चित्रकला या क्षेत्रात तो काही ना काही तो करत असे. त्याचबरोबर त्याचा संगणक अभियांत्रिकी डिप्लोमा पूर्ण झाल्यानंतर तो लंडनमधील एका इंटीरियर कंपनीत सेल्स एक्झिक्युटिव्ह म्हणून काम करत होता. परंतु पूर्णवेळ हा कामात जात असल्याने आपल्या कलेला कुठे वाव मिळत नसल्याने आणि चित्रकलेकडे दुर्लक्ष करावे लागत असल्याने त्याने नोकरीसोडून व्यवसाय करण्याचे ठरविले. त्यानंतर त्याने नाशिकमध्ये असा एक कॅफे सुरू केला आहे.
advertisement
ज्यामध्ये तुम्ही तुमचे आवडते चित्र रेखाटू शकता आणि सोबत स्वादिष्ट पदार्थांचा आस्वादही घेऊ शकता. आज असे बरेच लोक आहेत ज्यांना कला जोपासायला आवडते पण कदाचित त्यांच्याकडे कलाकृती साकारण्यासाठी वेळ किंवा जागा नाही त्यांच्यासाठी हे ठिकाण बेस्ट आहे. तुम्हाला कॅनव्हाससह पेंटिंगसाठी आवश्यक असलेली सर्व साधने आणि ती देखील सर्व काही मोफत उपलब्ध आहेत, तुम्हाला फक्त कॅनव्हाससाठी पैसे द्यावे लागतील.
advertisement
एवढेच नाही तर या कॅफेच्या वर असलेल्या त्याच्या बँक्वेट हॉलमध्ये वेगवेगळ्या प्रकारच्या कार्यशाळा आयोजित करतो, जिथे तो वेगवेगळ्या प्रकारच्या कलाकृती देखील शिकवतो. नाशिकमध्ये पहिल्यांदाच अशी वेगळी कल्पना घेऊन त्याने त्याचा हा व्यवसाय सुरू केला असल्याने कलाकार मंडळी त्याला चांगलाच प्रतिसाद देत आहेत. तसेच आपण काढलेले ते चित्र आपण इतर कुणाला आवडल्यास या ठिकाणी ते विक्री सुद्धा करू शकतो. जेणेकरून समोरच्याला देखील एक रोजगार मिळेल या हेतूने तो नेहमी प्रदर्शन देखील त्याच्या या कॅफेमध्ये भरवत असतो.
advertisement
तसेच तुम्ही देखील या कार्यशाळेचा भाग होऊ शकता किंवा या ठिकाणी तुमचा कार्यक्रम आयोजित करू शकता. यासाठी तुम्हाला नाशिक मधील अशोका मार्ग येथे असलेल्या समृद्धी बिझनेस स्क्वेअरला त्याच्या आर्ट कॅफेला भेट द्यावी लागेल.
Location :
Nashik,Maharashtra
First Published :
April 03, 2025 6:36 PM IST
मराठी बातम्या/नाशिक/
कलेला वाव मिळत नसल्यामुळे सोडली नोकरी, नाशिकमध्ये सुरू केला अनोखा कॅफे, तुम्ही रेखाटू शकता आवडीचे चित्र Video
