नाशिकच्या तरुणाला गोड बोलून नेलं अन् जिवानिशी संपवलं, पत्नी अन् प्रियकरच निघाले मारेकरी, 15 दिवसांनी अखेर गूढ समोर

नाशिक जिल्ह्याच्या चांदवड तालुक्यातील परसूल शिवारात २२ फेब्रुवारी रोजी नदीपात्रात एका तरुणाचा मृतदेह आढळला होता. हा मृतदेह निफाड तालुक्यातील उगाव येथील शादाब रज्जाक तांबोळी (३०) याचा होता. त्याची कुणीतरी निर्घृण हत्या करून मृतदेह नदीत टाकल्याचा पोलिसांना संशय होता. आता अखेर १५ दिवसानंतर पोलिसांनी या घटनेचा उलगडा केला आहे. हा खून दुसरा तिसरा कुणी नव्हे तर त्याच्याच पत्नीने केल्याचं पोलीस तपासातून समोर आलं आहे. आरोपी पत्नीने प्रियकर आणि तिच्या भावाच्या मदतीने हा खून केल्याचं पोलीस तपासात निष्पन्न झालं आहे. या घटनेने संपूर्ण जिल्ह्यात खळबळ उडाली असून, ज्या पत्नीने पती बेपत्ता असल्याचं भासवलं, तिच खुनी निघाल्याने गावात खळबळ उडाली आहे.