Navi Mumbai Mahanagarpalika: नवी मुंबई महानगरपालिकेमध्ये रिक्त पदांसाठी भरती, 12 वी उत्तीर्ण मुलांना नोकरीची संधी

बहुउद्देशीय कर्मचारी (पुरुष) पदाकरीता इच्छुक व पात्र उमेदवारांकडून अर्ज मागवण्यात आले आहेत. तरी आरोग्य विभागात नोकरी मिळवण्यासाठी चांगली व उत्तम संधी निर्माण झालेली आहे. वर्धिनी केंद्राकरीता रिक्त पदांच्या जागा भरण्यासाठी अलीकडेच नवीन नोकरभरती जाहीर केली आहे. भरतीची जाहिरात नवी मुंबई महानगरपालिका, एकात्मिक आरोग्य कुटुंब कल्याण सोसायटी आणि राष्ट्रीय नागरी आरोग्य अभियानाद्वारे प्रकाशित करण्यात आली आहे. उमेदवारांनी अर्ज करण्यापूर्वी दिलेली जाहिरात काळजीपूर्वक वाचावी. जाहिराती मधील रिक्त असणारी पदे आणि त्याबद्दलची इतर आवश्यक माहिती आणि PDF जाहिरात बातमीमध्ये दिली.

बहुउद्देशीय कर्मचारी (पुरुष) पदाकरिता विज्ञान शाखेमध्ये 12 वी उत्तीर्ण असण्याची आवश्यकता आहे. शिवाय, पॅरामेडिकल मूलभूत प्रशिक्षण अभ्यासक्रम किंवा स्वच्छता निरीक्षक अभ्यासक्रम अशी शैक्षणिक अर्हता आहे. या पदासाठी कर्मचार्‍यांना मासिक मानधन/ वेतन 18,000/- रुपये निवड करण्यात आलेल्या उमेदवारांना वेतन दिले जाणार आहे. खुल्या प्रवर्गासाठी वयोमर्यादा 38 वर्षाची असून राखीव प्रवर्गासाठी वयोमर्यादा 43 वर्षे इतकी आहे. एकूण 40 जागांसाठी ही नोकर भरती केली जाणार असून जात निहाय प्रत्येक जातीसाठी वेगवेगळ्या जागा आहेत. कोणत्या प्रवर्गासाठी किती जागा आहेत, ही माहिती जाणून घेण्यासाठी जाहिरातीची PDF एकदा आवश्यक पाहा.

कंत्राटी पद्धतीने नोकर भरती होणार असून उमेदवारांना 10 ऑक्टोबर ते 30 ऑक्टोबरपर्यंत नोकर भरती केली जाणार आहे. जाहिरातीच्या PDF मध्ये उमेदवारांना अर्ज देखील उपलब्ध आहे. अर्ज दाखल करण्याची शेवटची तारीख 30 ऑक्टोबर 2025 पर्यंत आहे. तर, अर्ज पाठवण्याचा पत्ता वैद्यकीय आरोग्य अधिकारी, आरोग्य विभाग, 3 रा मजला, नवी मुंबई महानगरपालिका मुख्यालय, प्लॉट नं. 1, से. 15 ए, किल्ले गावठाण जवळ, सीबीडी बेलापूर, नवी मुंबई - 400614 हा आहे.