मुंडेंचा खरा वारसदार कोण? नेते भांडत बसले, पण धनूभाऊ-पंकुताईंनी क्लिअर केलं, Video

मुंबई : पंकजा मुंडेंना जनतेनं वारसदार केलंय, असं वक्तव्य करत प्रकाश महाजनांनी छगन भुजबळांवर तोफ डागली. मुंडे भावा-बहिणीत मिठाचा खडा टाकू नका, असंही महाजनांनी सुनावलं. भुजबळ बीडमध्ये ओबीसींमध्ये भांडणं लावायला होते का, असा सवालही त्यांनी विचारला. छगन भुजबळांनी बीडमधील ओबीसी महाएल्गार मेळाव्यात केलेल्या या वक्तव्याचा प्रकाश महाजनांनी जोरदार समाचार घेतला. गोपीनाथ मुंडेंच्या राजकीय वारसदारावरून सुरू असलेल्या चर्चेत प्रकाश महाजनांनी फेसबुक पोस्ट टाकून त्यांचं मत व्यक्त केलं. एकीकडे वारसदार कोण ही चर्चा रंगलेली असताना पंकजा मुंडे आणि धनंजय मुंडेंनी एकत्र भाऊबीज साजरी केली आहे. याचा व्हिडीओ देखील समोर आला असून विरोधकांना उत्तर दिले आहे.