Parth Pawar: १८०० कोटींचा जमीन घोटाळा, दोन बड्या अधिकाऱ्यांचा बळी जाणार, पार्थ पवारांचं काय? चौकशी अहवालानंतर मोठी अपडेट

पुणे: राज्याच्या राजकीय आणि महसूल वर्तुळात खळबळ उडवून देणाऱ्या पुणे येथील कोरेगाव पार्क जमीन गैरव्यवहार प्रकरणी एक मोठी घडामोड समोर आली आहे. महसूल सचिव विकास खारगे समितीने आपला सविस्तर अहवाल महसूलमंत्री चंद्रशेखर बावनकुळे यांच्याकडे सुपूर्द केला आहे. या अहवालात राष्ट्रवादी काँग्रेसचे नेते पार्थ पवार यांना मोठा दिलासा देण्यात आला आहे. तर, या व्यवहार प्रक्रियेत अनियमितता करणाऱ्या दोन वरिष्ठ शासकीय अधिकाऱ्यांवर कडक कारवाईची शिफारस करण्यात आली आहे. आज मंत्रिमंडळाच्या बैठकीत अहवाल समोर येणार आहे.