PMC Election: पुण्यात मतदानादरम्यान राडा, एकाच दिवशी दोन दंगलीचे गुन्हे दाखल, कुठे कुठे दंगा झाला? 

पुणे : बृहन्मुंबई महापालिकेनंतर पुणे महापालिकेच्या निवडणुकीकडे राज्याचे लक्ष लागून राहिले आहे. सत्ताधारी भारतीय जनता पक्ष आणि अजित पवार यांच्या नेतृत्वातील राष्ट्रवादी काँग्रेस पक्षामध्ये पुण्यात काँटे की टक्कर होत आहे. प्रचारानंतरही दोन्ही पक्षांमध्ये प्रचंड संघर्ष दिसून आला. मतदानाला काही तास बाकी असताना आणि प्रत्यक्ष मतदान सुरू असताना पदाधिकाऱ्यांमध्ये हमरातुमरी झाल्याने एका दिवसात दोन दंगलीचे गुन्हे दाखल करण्यात आले.