मृत्यूनंतर रोहित आर्याचे हाल, पोस्टमार्टममध्ये मोठा अडथळा, एन्काऊंटर प्रकरणात नेमकं काय घडतंय?
- Published by:Ravindra Mane
Last Updated:
Rohit Aarya Encounter Case: मुंबईच्या पवई येथील एका स्टुडिओत 17 मुलांना ओलीस ठेवल्याप्रकरणी पोलिसांनी रोहित आर्या नावाच्या व्यक्तीचं एन्काऊंटर केलं आहे. मात्र अद्याप त्याचं शवविच्छेदन करण्यात आलं नाही.
Rohit Aarya Encounter Case: गुरुवारी दुपारी मुंबईच्या पवई येथील आरए स्टुडिओमध्ये ओलीसनाट्य बघायला मिळालं. रोहित आर्या नावाच्या एका व्यक्तीनं १७ मुलांना ओलीस ठेवलं होतं. लघुचित्रपटाचं ऑडिशन करण्याच्या नावाखाली सर्वांना बोलवून एका बंदिस्त खोलीत डांबून ठेवलं. यानंतर रोहित आर्याचं एन्काऊंटर करण्यात आलं. त्याच्याकडे एअरगन होती, तो मुलांच्या जीवाला धोका निर्माण करू शकला असता, त्यामुळे त्याचं एन्काऊंटर केल्याचं पोलिसांकडून सांगण्यात आलं.
गुरुवारी दुपारी चारच्या सुमारास रोहित आर्याचं एन्काऊंटर करण्यात आलं. मात्र अद्याप त्याच्या मृतदेहावर शवविच्छेदन करण्यात आलं नाही. मृत्यूनंतर त्याचे हाल सुरू आहेत. आजही त्याच्यावर शवविच्छेदन होणार नाही, अशी माहिती समोर येत आहे.
शवविच्छेदनात नेमका अडथळा काय येतोय?
मिळालेल्या माहितीनुसार, आज सकाळी दहा वाजता रोहित आर्यावर शवविच्छेदन करण्यात येणार होतं. सहा डॉक्टरांच्या तज्ज्ञ टीमकडून हे शवविच्छेदन करण्यात येणार होतं. मात्र अद्याप रोहित आर्याच्या मृतदेहाचे शवविच्छेदन अजून सुरू झालं नाही. रोहित आर्याचे कोणीही नातेवाईक न आल्याने शवविच्छेदनाला तांत्रिक अडथळा निर्माण झाला आहे.त्याच्या नातेवाईकांशी संपर्क साधण्याचा प्रयत्न केला जातोय.
advertisement
मात्र अद्याप रोहित आर्याच्या कुटुंबीयांशी कसलाही संपर्क होत नाही. ते कुठे आहेत? याची काहीच माहिती अद्याप समोर आली नाही. जर रोहित आर्याच्या नातेवाईकांशी संपर्क झाला नाही. किंवा ते शवविच्छेदनासाठी आले नाहीत, तर पोलीस कोर्ट ॲार्डर घेवून शवविच्छेदन करु शकतील. मात्र त्यासाठी आणखी काही काळ वाट पाहावी लागू शकते. रोहित आर्याचे कुटुंबीय आज आले नाही, तर आज रोहित आर्याच्या मृतदेहाचे शवविच्छेदन होण्याची शक्यता फार कमी असल्याचे वरीष्ठ डॅाक्टरांनी स्पष्ट केलं आहे.
view commentsLocation :
Mumbai,Maharashtra
First Published :
October 31, 2025 1:08 PM IST
मराठी बातम्या/महाराष्ट्र/
मृत्यूनंतर रोहित आर्याचे हाल, पोस्टमार्टममध्ये मोठा अडथळा, एन्काऊंटर प्रकरणात नेमकं काय घडतंय?


