Makan-Kirana Scheme : ग्रामीण महिलांसाठी सरकारची भन्नाट योजना! घरकुलासह या व्यवसायासाठी मिळणार पैसे

ग्रामीण भागातील महिलांना आर्थिक आणि सामाजिकदृष्ट्या सक्षम बनवण्यासाठी जिल्ह्यात एक अभिनव योजना राबविण्यात येत आहे. ही योजना राज्यात पहिल्यांदाच सुरू होत असल्याने तिची महत्त्वपूर्ण भूमिका ठरणार आहे. पालकमंत्री प्रकाश आबिटकर यांच्या पुढाकाराने 2025-26 या आर्थिक वर्षात सुरू होणारी 'मकान-किराणा' योजना ग्रामीण महिलांना घरकुलासोबत रोजगाराचा लाभ मिळवून देईल. या योजनेअंतर्गत महिलांना फक्त पक्के घरकुलच मिळणार नाही, तर स्वतःचा किराणा व्यवसाय सुरू करण्यासाठी 30,000 रुपयांची थेट आर्थिक मदतही प्रदान केली जाईल. यामुळे महिलांना घर आणि रोजगार या दोन्हीच्या लाभाचा अनुभव एकाच वेळी मिळणार आहे, असे जिल्हा परिषदेचे मुख्य कार्यकारी अधिकारी कार्तिकेयन एस. यांनी सांगितले.