Bigg Boss Marathi 6 : बिग बॉस 6 मधील पहिली Wild Card Entry, घरातील सगळ्या सदस्यांची हवा टाईट; कोण आहे तो?

बिग बॉस मराठी सीझन 6 मध्ये रविवारी 25 जानेवारीला पहिलं नॉमिनेशन झालं. घरातील सदस्य राधा पाटील घरातून बाहेर पडली. घरातील एक सदस्य कमी झाला. तोच आता नव्या सदस्याची एंट्री होते आहे.

बिग बॉस मराठी सीझन 6 ची पहिली वाइल्ड कार्ड एंट्री, पहिल्या नॉमिनेशनच्या दुसऱ्याच दिवशी पहिली वाइल्ड कार्ड एंट्री होते आहे. याचा प्रोमो समोर आला आहे.

व्हिडीओत तुम्ही पाहू शकता बिग बॉसच्या घराचा दरवाजा उघडत असतो. घरातील सगळ्या सदस्यांची धाकधूक वाढलेली दिसते. काहींच्या चेहऱ्यावर नव्या सदस्याला पाहण्याची उत्सुकता तर काही जणांच्या चेहऱ्यावर टेन्शनही दिसतं.

अखेर तो सदस्य घरात येतो आणि सगळ्यांच्या चेहऱ्याचे एक्स्प्रेशन बदलले दिसतात. काही सदस्य विशेषत: प्राजक्ता शुक्रेला खूप आनंद झाल्याचा दिसतो. तर रुचिता जामदारची फुल्ल हवा टाईट झालेली दिसते. सागर कारंडेही शॉक झालेला दिसतो.

असा हा बिग बॉसच्या घरात वाइल्ड कार्डने आलेला नवा सदस्य असा नेमका आहे तरी कोण? हे जाणून घेण्याची प्रेक्षकांचीही उत्सुकता वाढली आहे. आजच्या भागात ते पाहायला मिळेल.