वाळू माफियांचे धाबे दणाणले, महसूलमंत्र्यांचा नवा आदेश; वाहनांचे परमीट आता जागेवरच रद्द

मुंबई : गेल्या काही वर्षांत अवैध गौणखनिज वाहतुकीची अनेक प्रकरणे राज्यात उघडकीस आली. धक्कादायक बाब म्हणजे महसूलच्या अधिकाऱ्यांवर हल्ला करण्यापर्यंत वाळूमाफियांची मजल पोहोचली आहे. तर दुसरीकडे वाळूमाफिया प्रशासकीय कर्मचारी-अधिकारी यांसह स्थानिक राजकीय नेत्यांना हाताशी धरून राजरोसपणे वाळूविक्री करत आहेत.पण आता वाळूमाफियांनं धडा शिकवण्यासाठी महसूलमंत्री चंद्रशेखर बावनकुळे यांनी कडक आदेश दिले आहेत. अवैध वाहतूक करणाऱ्या वाहनांचे परमीट आता जागेवरच रद्द करण्यात येणार आहे. महसूल विभागाने यासंदर्भातील परिपत्रक जारी केले.