सांगलीत 'लेक लाडकी' योजना हिट! 3000 हून जास्त मुलींना मिळाले पैसे; कसा आणि कुठे कराल अर्ज?   

सांगली : जिल्ह्यात 'लेक लाडकी' योजनेला उत्तम प्रतिसाद मिळत आहे. मुलींचा जन्मदर वाढवणे, त्यांना शिक्षणाच्या प्रवाहात आणून सक्षम करणे आणि बालविवाह रोखणे यांसारख्या महत्त्वाच्या उद्दिष्टांनी राज्य सरकारने सुरू केलेल्या या योजनेचा आत्तापर्यंत तीन हजारांहून अधिक मुलींना लाभ मिळाला आहे. 1 एप्रिल 2023 नंतर जन्मलेल्या मुलींसाठी ही योजना लागू असून, या योजनेअंतर्गत आतापर्यंत कोट्यवधी रुपयांचा निधी वितरित करण्यात आला आहे. प्रशासनाकडून पात्र लाभार्थींपर्यंत लवकरच या योजनेचा लाभ पोहोचवण्यासाठी युद्धपातळीवर प्रयत्न सुरू आहेत.