किरकोळ वाद, सलमानवर कोयत्याने वार; नववीच्या विद्यार्थ्याने शाळेत केला हल्ला

लातूर शहरात एका व्यक्तीने त्याच्या लहान मुलासमोर पत्नीची गळा चिरून हत्या केली. पोलिसांनी दिलेल्या माहितीनुसार, अवंतीनगरमध्ये मंगळवारी संध्याकाळी पाच वाजता ही घटना घडली. या घटनेमुळे परिसरात एकच खळबळ उडाली. रेश्मा अब्दुल शेख (वय 22) ही महिला पतीकडून होणाऱ्या मारहाणीमुळे त्रस्त होती. या त्रासाला कंटाळून ती तिच्या माहेरी आई-वडिलांसोबत राहात होती. तिचा पती अब्दुल युनूस शेख इस्लामपुरा चौकात राहत होता. मंगळवारी रेश्मा तिच्या दोन वर्षांच्या मुलासह घरात एकटी होती. त्यावेळी तिचा पती घरी आला आणि त्याने रेश्माला धमकवलं. त्यानंतर त्याने रेश्मावर हल्ला केला आणि मुलासमोर तिचा गळा धारदार शस्त्रानं कापला आणि तो तेथून फरार झाला. रक्तानं माखलेला मुलगा घराबाहेर पडला तेव्हा आसपासच्या लोकांना या घटनेची माहिती मिळाली. त्यानंतर लोकांनी पोलिसांना घडलेल्या घटनेविषयी माहिती दिली. सध्या पोलीस या प्रकरणाचा सखोल तपास करत असून, आरोपीला अटक करण्यात आली आहे.