संतोष देशमुखांच्या हत्येचा व्हिडीओ समोर, गयावया करणारे देशमुख अन् आसुरी हसणारे मारेकरी पाहून कुटुंबाने हंबरडा फोडला

मस्साजोगचे सरपंच संतोष देशमुख हत्या प्रकरणामुळे संपूर्ण महाराष्ट्र ढवळून निघाला होता. संतोष देशमुख हत्या प्रकरणातील हत्येचे फोटोनो अवघा महाराष्ट्र हादरला होता. वाल्मिक कराडच्या गँगने कौर्याची परिसिमा गाठत संतोष देशमुख यांच्यावर क्रूर अत्याचार करण्यात आले होते. या फोटोमध्ये आरोपी सुदर्शन घुले आणि इतर सगळेच आरोपी या फोटोमध्ये दिसले होते.  पहिल्यांदाच कोर्टात या घटनेचा व्हिडीओ कोर्टात सादर करण्यात आला. हा व्हिडीओ पाहून या वेळी उपस्थितांच्या देखील मन सुन्न झाले.

खंडणी प्रकरणातून सरपंच संतोष देशमुख यांची अत्यंत निर्दयीपणे हत्या करण्यात आली होती.या घटनेला ९ डिसेंबर रोजी वर्ष पूर्ण झाले. सध्या या प्रकरणाची कोर्टात सुनावणी सुरू आहे. हा व्हिडीओ समोर आल्यानंतर पहिल्यांदाच संतोष देशमुखांचे भाऊ धनंजय देशमुख यांची प्रतिक्रिया समोर आली आहे.

बीडसह छत्रपती संभाजीनगर मध्ये काल दिवसभर सुनावणी पार पडली पुढच्या तारखेपर्यंत चार्ज फ्रेम होईल अशी अपेक्षा आहे. संभाजीनगर येथे कोर्टाला व्हिडिओ दाखवण्यात आले. कोर्ट ते पाहू शकलं नाही, आम्हाला देखील अश्रू अनावर झाले. आम्ही या दुःखातून बाहेर निघालेले नाहीत आणि कधी निघू शकणार नाही. एवढ्या निर्घृण पद्धतीने ही हत्या करण्यात आली. आरोपीचा समर्थन करणारी टोळी सक्रिय झाली असून त्या टोळीला वारंवार सोशल मीडियावर आरोपींची आठवण येत आहे. या लोकांवर कारवाई झाली पाहिजे यासाठी मुख्यमंत्र्यांना आणि गृहमंत्र्यांना कारवाई करावी, अशी मागणी धनंजय देशमुख यांनी केली आहे.