वर्षाला ५ कोटी कमावतो, त्याला पिस्तूल विकायची गरज काय? सिकंदरच्या समर्थनार्थ साताऱ्यात पैलवान एकवटले

विशाल पाटील, सातारा, प्रतिनिधी: महाराष्ट्र केसरी आणि रुस्तुम ए हिंदकेसरी किताब मिळवणारा पैलवान सिकंदर शेख याला पंजाब येथे अवैध शस्त्रास्त्र प्रकरणात अटक करण्यात आली आहे. पैलवान सिकंदर शेखला या प्रकरणात गुर्जर गँगशी संबंध जोडून अडकवले जात आहे. सिंकदरवर अन्याय होत असून मुख्यमंत्री देवेंद्र फडणवीस आणि दोन्ही उपमुख्यमंत्र्यांना निवेदन देणार असल्याचे हिंदकेसरी पैलवान संतोष वेताळ यांनी पत्रकार परिषदेत सांगितले. यावेळी पैलवान संतोष वेताळ यांनी काही प्रश्न उपस्थित केले आहेत. साताऱ्यात सिकंदरच्या समर्थनार्थ पैलवानांनी पत्रकार परिषद घेतली.